و يتململ الزبون فى مقعده و تبدأ الأفكار تعبث بذهنه ...
الزبون: ايه الحر ده .. و الزحمة دى .. هو الواحد كان ناقص اللى يعطله النهارده .. لأ و ايه الراجل سواق التاكسى ده شكلة هياخد منى دم قلبى إلا كل شوية يتأفف و يتأوه .. عشان يعنى يبين صعوبة المشوار .. خلاص يا سيدى هتاخد اللى انت عايزه .. امال أسيبك تعمل لى فضيحة ...
يلا بقى ... يا رب ألحق أروح قبل الراجل ما يوصل .. عشان آخد حقى من البايع و بعدين العمولة اللى اتفقت عليها من المشترى .. أصلهم لو اتلموا على بعض قبل ما أنا أوصل مش بعيد يسغنوا عن خدماتى خالص !!
لا و كل ده ليه عشان 5,000 جنيه سمسرة من البايع انى جبت له المشترى و 10,000 من المشترى عشان خلصت له البيعة بأقل من تمنها ب 50,000 جنيه ، و ايه يعنى لما أطلع لى ب 15,000 من ورا بيعة زى دى ، ده أنا أحسن من غيرى كتير ، ما هو واحد عايز يبيع و يجرى يسافر ، و انا جبت له زبون تانى يوم يعنى لولاى ماكنش وصل لحد و لا بعد ميت اعلان فى الجرايد ة التانى هياخد ارض فى مكان ممتاز بسعر ممتاز برضة.
بس و بعدين لو اتاخرت أكتر من كدة مش بعيد يتفقوا عليا من ورا ظهرى ، ما أنا أصلى عارف لقم الناس اليومين دول ، الواحد يتأخر خمس دقايق يرجع يلاقى الأنصاص قامت و القوالب نامت دى بقت حاجة تزهق ... يا رب بقى الأشارة تفتح ...
- آه ...
ثم يفتح حقيبة صغيرة على الكرسى بجانبة و يجلب منها مشط صغير يصفف به شعرة بعناية و يقوم بضبط رابطة عنقة جيدا و ينظر الى الجانب الآخر فتقع عينه على سيارة مكيفة يركب بداخلها رجل متقدم فى السن نوعا ما و لكنه ليس بالعجوز...
يتبع
الاشتراك في:
تعليقات الرسالة (Atom)
Aya i like ur style of writing > the level of language u are using is amazing . your ability to describe is so great. go on
ردحذفthanks a lot for your precious words , so happy to read such comment
ردحذفانا عايز اعرف ايه اللي حصل بعد كده
ردحذفانا بجد قريت اول جزء لقيته سحبني بسلاسة لتاني وتالت جزء وبجد نفسي اكملها
أوعدك انى هكملها خلال يومين على الأكثر و بجد شكرا أوى على التعلق الجميل ده
ردحذف